Проект: ОСМЕЛИ СЕ
Здружението за рурален развој Јавор –Зрновци во соработка со ЗЖЗ Агровинка – Виница во периодот од 4 месеци (до 31 август 2015) успешно го спроведе проектот „Осмели се“. Проектот е подржан од Мрежата за подршка на млади предприемачи од повикот за проекти за 2015 год.
Целта на проектот беше да се поттикнат младите луѓе од општините Зрновци и Виница да размислуваат предприемнички , односно да се обучат 20 лица за основите на предприемништвото и 15 лица за основите на пчеларството.
Во деновите 24 – 25 јули во просториите на ЗЖЗ Агровинка во Виница, успешно беше спроведена обуката за предприемништво и бизнис. На 20 лица им беше испорачана обука со практични примери за основите на предпримеништвото, бизнисот и можностите за искористување на мерките на Владата на Р.М за подршка на самовработувањето. Интересот кај младите луѓе беше голем и имаше неколкумина кои веќе имаа свои идеи за сопствен бизнис.
Во деновите 08-11 август во просториите на ЗЖЗ Агровинка во Виница и на пчеларник во с.Зрновци беше спроведена обука за основи на пчеларството. На обуката присуствуваа 18 лица заинтересирани за оваа интересна тема.
И на двете обуки учесниците добија соодветни прирачници кои ќе им бидат од корист во понатамошното нивно размислување и развивање на предприемнички идеи.
Како резултати од двете обуки веќе имаме 4 лица пријавени во програмите за самовработување преку грант и кредитирање, 1 од тие лица веќе ја има поминато фазата на одобрување на бизнис идеја а уште две лица се со сериозни намери за отворање на сопствен мал бизнис. Од обуката за пчеларство 5 лица се со донесена одлука за почеток со пчеларство од наредната година, 6 лица се веќе отпочнати со пчеларство и си го надоградуваат своето искуство и мрежата на пчелари соработници а се направени и првите начелни договори за наредната година за набавка на над 13 пчелни нуклеуси.
Види галерија на слики
Проект: ЕКО СЛИКА ЗРНОВЦИ 2015
Имплементатор: Здружение за рурален развој ЈАВОР – Зрновци
Општа цел на проектот: Создавање на услови за одржливо управување, зачувување и валоризација на природните услови во општина Зрновци
Конкретна цел 1: Утврдување на моменталната состојба со квалитетот на водите на река Зрновка и насоки за заштита и подобрување
Конкретна цел 2: Создавање на ресурсен тренинг центар за биодиверзитет во општина Зрновци
Конкретна цел 3: Промоција на природните вредности во општина Зрновци и нивна валоризација
Резултати:
Изработена и промовирана публикација за моменталната состојба со водите на река Зрновка, мерки за заштита и подобрување,
Оспособен ресурсно-тренинг центар за биодиверзитет во општина Зрновци,
Формиран Клуб на млади истражувачи во рамки на ОУ Синиша Стоилов
Оспособена и промовирана патека на биодиверзитетот во с.Зрновци
Подготвена, испечатена и дистрибуирана брошура за природните вредности на општина Зрновци
Изработени над 100 фотографии и цртежи од натпреварот во ОУ Синиша Стоилов на тема биодиверзитет
Изработени и поделени 200 промотивни беџеви со мотиви од природните вредности во општина Зрновци
Изработени 15 постери со мотиви биодиверзитет во општина Зрновци
Период на имплементација: 15.12.2014 – 15.10.2015 год.